Evropa Komissiyasi prezidenti Ursula fon der Lyayen Ukrainani tiklash va qayta qurish sa’y-harakatlarini qo‘llab-quvvatlash uchun 2,3 milliard yevro miqdoridagi yangi paketni e’lon qildi.
Bu haqda YEK matbuot xizmati bayonotida aytilgan.
"2,3 milliard yevrolik kelishuvlarni imzolash orqali biz uylarni qayta qurish, shifoxonalarni qayta ochish, biznesni jonlantirish va energiya xavfsizligini ta’minlash uchun 10 milliard yevrogacha sarmoya bo‘shatishni maqsad qilganmiz. Bu harakatdagi birdamlikdir. Ukraina har kuni Yevropa Ittifoqiga - energetika, ta’lim, rouming va madaniyat sohalarida yaqinlashib bormoqda. Yevropa Ukraina bilan birga - bugun va ertaga nutqida”, dedi Ursula fon der Lyayen Rimdagi konferensiyada.
Qayd etilishicha, Ukraina sarmoyaviy asoslari doirasida xalqaro va ikki tomonlama davlat moliya institutlari bilan imzolangan 2,3 milliard yevrolik yangi shartnomalar paketi 1,8 milliard yevro kredit kafolati va 580 million yevro grantni o‘z ichiga oladi.
Bu mablag‘lar, xususan, kichik va o‘rta biznesni qo‘llab-quvvatlashga yo‘naltiriladi (kafolatlar va grantlar sifatida 500 million yevro); energetika, transport va ishlab chiqarish kabi muhim tarmoqlarda xususiy sektorning yirik loyihalari (600 million yevro); urushdan jabr ko‘rgan hududlardagi shahar infratuzilmasi, shu jumladan sog‘liqni saqlash, shahar harakati va uy-joy (520 million yevro) va boshqalar.
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
“Bu yerlarning asl egasi bizmiz”
Rossiya Qurolli Kuchlari "Azov" texnikalarini yo‘q qildi (video)
