Evropa diplomatiyasi rahbari Kaya Kallas bu fikrlarni Limasoldagi YEI tashqi ishlar vazirlari sammitiga yetib kelganida jurnalistlarga ma’lum qildi. Kallas Yevropa Ittifoqi hozircha Vladimir Putin bilan muzokara olib boruvchi aniq bir shaxsni tayinlamaslikka qaror qilgani haqidagi ommaviy axborot vositalari xabarlarini bilvosita tasdiqladi.
"Menga bu xuddi tuzoqdek tuyulmoqda. Rossiya ular bilan kim gaplashishini muhokama qilishimizni xohlayapti. Ular allaqachon kim mos kelishi-kelmasligini o‘zlari belgilashmoqda. Bu tuzoqqa tushmaylik. Muzokaralar — bu doim jamoaviy ish. Eng muhimi esa ularning mazmunidir", — deydi u.
Bu mazmun nimalardan iborat ekanligi va ehtimoliy muzokaralarda YEI uchun qaysi bandlar muhim bo‘lishi haqidagi savolga u nafaqat Ukraina, balki Rossiyaning Pridnestrovye, Abxaziya va Janubiy Osetiyadagi qo‘shinlari ham muhokama qilinishi kerak deb javob berdi.
"Rossiya qo‘shnilariga hujum qilmaslik va ularning suverenitetini hurmat qilish majburiyatini olgan xalqaro kelishuvlarni hurmat qilishi lozim. Ammo boshqa masalalar ham bor. Masalan, ular Ukrainadan talab qilgan yon berishlarning o‘zaro teng ko‘zgudek ijro etilishi. Aytaylik, qurolli kuchlarni qisqartirish. Bu Moskvaga ham tegishli bo‘lishi kerak. Va albatta, Rossiya qo‘shinlarining Moldova va Gruziyada ekanligi katta xavotir uyg‘otmoqda.
Evropa xavfsizligi manfaatlari uchun bu qo‘shinlar u yerda bo‘lmasligi va ular boshqa mamlakatlardagi saylovlarga aralashmasligi zarur", — dedi Kallas.
U bu eng yuqori talablarni qo‘yuvchi yondashuv ekanligini tan oldi.
Ammo Rossiyaning yondashuvi ham hozircha maksimalistik talablarga asoslangan", — deya ta’kidladi Kallas.
1 iyundan tariflar oshadi: oldindan to‘lov qilganlar 2 oy eski narxda to‘laydi
O‘zbekistonda iyunda anomal issiq oqibatida harorat +47° gacha chiqadi
Netanyaxu Quddusdagi shifoxonaga yotqizildi
