Evropa Ittifoqi Ukrainaga yangi byudjet mablag‘larini ajratishdan oldin yashirin iqtisodiyotni qisqartirish, soliq tushumlarini oshirish va mamlakat qonunchiligini YEI me’yorlariga yaqinlashtirish bo‘yicha siljishni ko‘rmoqchi. Bu haqda "Bloomberg" manbasiga tayanib xabar berdi.
Agentlik ma’lumotiga ko‘ra, Yevropa komissiyasi raisi Ursula fon der Lyayen va Vladimir Zelenskiyning Nyu-Yorkdagi uchrashuvi keskin kechgan.
Ukraina tomoni qishda vaziyat keskinlashishi mumkinligi va shaharlarni himoya qilish uchun havo hujumidan mudofaa vositalari yetishmasligidan xavotir bildirgan.
Fon der Lyayen uchrashuvdan so‘ng qo‘shimcha byudjet yordami Oliy Radadagi islohotlar siljishiga bog‘liq bo‘lishini bildirdi.
"Bloomberg"ning yozishicha, Kiyev ittifoqchilaridan taxminan 26 milliard yevrolik qo‘shimcha byudjet taqchilligini qoplashda yordam so‘ramoqda. Bryussel esa mablag‘ ehtiyoji bo‘yicha Ukraina keltirgan ayrim hisob-kitoblarga e’tiroz bildirgan.
Shu bilan birga, Zelenskiy AQSh prezidenti Donald Trampdan qish uchun "Patriot" havo hujumidan mudofaa raketalari paketini hamda Ukrainada ularni ishlab chiqarish uchun lisenziya so‘raganini ma’lum qildi.
Dunyoda atigi uch kishi xorijga pasportsiz sayohat qilishi mumkin
Xitoydagi g‘ayrioddiy lagerlarni bilasizmi?
Shomurodovni Turkiyada "eplab" bo‘lmayapti — "Bashakshehir" yirik hisobda g‘alaba qozondi
