Dunyoga mashhur Burger King brendi O‘zbekistonda o‘z faoliyatini boshladi

Ushbu voqea O‘zbekiston va AQSh o‘rtasidagi munosabatlar rivojlanib, rasmiy diplomatiyadan tashqari ham biznes va investisiya sohasida hamkorlik kengayayotganini ko‘rsatadi.

Toshkentdagi ilk filialning ochilish marosimida AQShning elchisi janob Jonatan Henik rahbarligidagi AQSh elchixonasi delegasiyasi qatnashdi. Tadbir davomida u International Beverages Tashkent rahbari janob Shuhrat Ergashev bilan birgalikda ramziy qizil lentani qirqib, Toshkentdagi Burger King restoranini ochiq deb e’lon qildilar.

Dunyodagi ikkinchi yirik tezkor ovqatlanish restoranlari tarmog‘i hisoblangan Burger King ishga tushirilishi muhim xalqaro qadamlardan biri bo‘lib, kompaniya uchun mamlakatda samarali o‘sish uchun mustahkam poydevor yaratadi.

Brend zamonaviy restoran dizayni, yangi ish o‘rinlari va uzoq vaqtdan beri Burger King ramziga aylangan yuqori xizmat ko‘rsatish standartlarini va’da qilmoqda.