«Uni hoziroq qabul qiling, aks holda...»: AQSh Ukrainadan imkon qadar tezroq kelishuvga rozi bo‘lishni talab qilmoqda

AQSh prezidenti Donald Tramp ma’muriyati Ukrainadan imkon qadar tezroq xavfsizlik kafolatlari bo‘yicha kelishuvga rozi bo‘lishni talab qilmoqda, deb yozadi Politico.

"Ushbu taklif Tramp ma’muriyati Ukrainaga bergan eng jiddiy va aniq xavfsizlik va’dasidir, ammo unda yashirin ultimatum bor: uni hoziroq qabul qiling, aks holda keyingi versiya unchalik saxiy bo‘lmaydi," - deyiladi materialda.

Yuqori martabali amerikalik amaldor nashrga agar Kiyev qaror qabul qilishni kechiktirsa, bunday kafolatlar tinchlik bitimiga kiritilmasligi mumkinligini aytdi.