Dronlar hujumi sababli “Sberbank” ma’lumotlar markazi shikastlandi

Saratov viloyatida dronlar hujumi oqibatida bir kishi halok bo‘ldi, “Sberbank” ma’lumotlar markazi shikastlandi

Rossiyaning Saratov viloyatidagi Balakovo shahriga uyushtirilgan dronlar hujumi oqibatida “Sberbank” ma’lumotlar markazi shikastlangan. Bu haqda viloyat gubernatori Roman Busargin ma’lum qildi.

Ma’lumotlar markazi “MZ Balakovo” metallurgiya zavodi hududida joylashgan. Gubernatorning aytishicha, hujumni qaytarish vaqtida bir nechta turar joy binosi ham zarar ko‘rgan, bir kishi halok bo‘lgan.