Donald Tramp Kolumbiyaga moliyaviy yordam berishni to‘xtatdi

AQSh prezidenti Donald Truth Social kanalida Kolumbiyaga barcha to‘lovlar va subsidiyalarni to‘xtatishini ma’lum qildi.

Tramp Kolumbiya prezidenti Gustavo Petroni giyohvand moddalar savdosini rag‘batlantirishda aybladi.

«Hozir bu Kolumbiyadagi eng yirik biznesga aylandi. Petro AQShning keng ko‘lamli to‘lovlari va subsidiyalariga qaramay, uni to‘xtatish uchun hech qanday harakat qilmayapti. Bu AQShni uzoq muddatli talon-taroj qilishdan boshqa narsa emas. Bugundan boshlab Kolumbiya bu yoki boshqa mablag‘ va subsidiyalarni olmaydi”, — deb yozdi Donald Tramp.

AQSh prezidentining so‘zlariga ko‘ra, taqiqlangan moddalar Kolumbiyada ishlab chiqariladi va keyin AQShga sotish uchun eksport qilinadi. Bu o‘lim va tartibsizlikka olib keladi.

Tramp agar Kolumbiya hukumati bu plantasiyalarni yo‘q qilmasa, AQSh buni “o‘zimiz qilamiz”, deb tahdid qildi.