Diyora Keldiyorova va yana to‘rt nafar hamyurtimiz Qozog‘istondagi xalqaro turnirda oltin medalga sazovor bo‘ldi

Qozog‘istonning Aqtau shahrida dzyudo bo‘yicha o‘tkazilgan «Aktau Asian Open 2026» xalqaro turniri O‘zbekiston terma jamoasi uchun muvaffaqiyatli yakunlandi.

Ikki kun davom etgan musobaqada hamyurtlarimiz jami 13 ta medal — 5 ta oltin, 2 ta kumush va 6 ta bronza medalni qo‘lga kiritdi.

Shuningdek, oltin medalga sazovor bo‘lgan sportchilarimiz jahon reytingidagi hisobini 100 ochkoga boyitdi.

Oltin medal sohiblari:

• 48 kg: Fotimaxon Tursunboyeva

• 52 kg: Diyora Keldiyorova

• 73 kg: Nizomiddinxo‘ja Toshpo‘latov

• 100 kg: Mirjalol Normo‘minov

• +100 kg: Muhammadali Tangriyev

Kumush medal sohiblari:

• 78 kg: Shinar Ibrayeva

• 90 kg: Ramazon Allaberdiyev

Bronza medal sohiblari:

• 48 kg: Halimajon Qurbonova

• 57 kg: Muhayyo Ahmatova

• 63 kg: Sarvinoz Husanova

• 70 kg: Farangiz Hojiyeva

• 90 kg: Azizbek Avazmurodov

• 90 kg: Sultonbek Abdushukurov