Chirchiqda elektr energiyasidan noqonuniy foydalangan 2 ta MCHJ aniqlandi

"O‘zenergoinspeksiya" Respublika ishchi guruhi tomonidan Toshkent viloyatida o‘tkazilayotgan nazorat tadbirlarida energiya resurslaridan noqonuniy foydalanish holatlari aniqlanmoqda.

Xususan, Chirchiq shahrida joylashgan "H.G.M." MCHJga qarashli binoda o‘zboshimchalik bilan tarmoqqa ulanib, 685,9 mln so‘mlik elektr energiyasidan noqonuniy foydalanganligi aniqlandi.

Shu kabi holat ushbu hududdagi “CH.Y.N.S.” MCHJga qarashli ob’ektda ham o‘zboshimchalik bilan elektr energiyasidan noqonuniy foydalanib, 565,6 mln so‘mlik zarar yetkazilganligi ma’lum bo‘ldi

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.