Chilonzor tumanidagi “O‘zbekfilm” binosi yaqinida kuchli yong‘in chiqdi

Chilonzor tumanida sodir bo‘lgan yong‘in to‘g‘risida birinchi ma’lumot berildi.

2025 yil 15 iyul kuni soat 14:17 da Toshkent shahar Chilonzor tumani, Chilonzor ko‘chasida ochiq maydonda quruq o‘t hamda eski avtomobil shinalari yonayotgani haqida Toshkent shahar Favqulodda vaziyatlar boshqarmasiga xabar tushgan.

Shunga ko‘ra, yong‘in-qutqaruv texnikalari ko‘rsatilgan manzilga soat 14:25 da yetib borgan va yong‘in soat 14:52 da qurshab olingan. Hozirda yong‘inni to‘liq o‘chirish ishlari davom etmoqda.

Vaziyat to‘liq Toshkent shahar FVB tomonidan nazoratga olingan.