Chempionlar ligasida haftaning eng yaxshi o‘yinchisi aniqlandi

UYEFA joriy haftadagi Chempionlar ligasining eng yaxshi futbolchisini e’lon qildi.

Bu nomga Dortmundning «Borussiya» klubi hujumchisi Seru Girassi sazovor bo‘ldi.

28 yoshli gvineyalik futbolchi «Sporting»ga qarshi birinchi pley-off bahsida (3:0) 1 ta gol va 1 ta golli uzatma amalga oshirdi.

Girassi ushbu mukofot uchun ovoz berishda «Real» hujumchisi Vinisius Junior, «Benfika» futbolchisi Vangelis Pavlidis va «Feyenoord» vingeri Igor Payshaoni ortda qoldirdi.