Buxoro viloyati Vobkent tumanida profilaktika inspektori, kapitan Amrillo Rasulov o‘zini daryoga tashlagan ayolni qutqarib qoldi. Voqea 29 yanvar kuni soat taxminan 16:30 da sodir bo‘ldi, deya xabar bermoqda Ichki ishlar vazirligi Jamoat xavfsizligi departamenti.
Suvda ayol kishi borligini ko‘rgan IIB xodimi o‘zini oqimi kuchli bo‘lgan muzdek suvga otgan va uni qirg‘oqqa olib chiqqan. U yerda boshqa odamlar unga yordam bergan.
Voqea joyiga yetib kelgan tez tibbiy yordam mashinasi ayolni shifoxonaga olib ketgan. Uning holati ahvoli yaxshiligi aytilmoqda.
Ma’lum qilinishicha, 20 yoshli ayolning to‘rt nafar farzandi bor. U G‘ijduvon tumanida yashaydi. Ayolning o‘zini daryoga tashlashiga sabab bo‘lgan holatlarga aniqlik kiritilmoqda.
Odilxon qori Yunusxon o‘g‘li sud zalida hibsga olindi
Aholini ro‘yxatga olish savolnomasini xato to‘ldirganlarga ogohlantirish yuborilmoqda
Uyushtirilgan suiqasdda hokim omon qoldi
