Buryatiyada o‘rmon yong‘inlari maydoni bir kun ichida ikki baravar ko‘paydi

Buryatiyada (Rossiya Federasiyasi) o‘rmon yong‘inlari 24,7 ming gektardan ortiq maydonni qamrab oldi.

Bu haqda Respublika o‘rmon xo‘jaligi agentligi (RALH) ma’lum qildi, deb yozadi “TASS”.

“Tezkor ma’lumotlarga ko‘ra, 9 may kuni ertalab Bauntovskiy Evenki va Yeravninskiy tumanlarida jami 24 698 gektar maydonni egallagan 18 ta o‘rmon yong‘inlari sodir bo‘lgan”, — deyiladi departamentda.

Bir kun avval respublikada 10 ming 539 gektar maydonni egallagan 21 ta o‘rmon yong‘inlari qayd etilgan.

“So‘nggi 24 soat ichida Jidinskiy, Yeravninskiy, Zaigraevskiy, Kabanskiy va Kyaxtinskiy tumanlarida oltita yong‘in bartaraf etildi”, — deya aniqlik kiritdi RALH. – Ayni paytda yong‘inni o‘chirishda 403 nafar o‘rmon muhofazasi xodimlari, Avialesuhrana va fuqarolar ishtirok etmoqda. O‘rmon yong‘inlarini o‘chirishga 94 birlik texnika jalb qilingan.