20 iyun kuni ertalab Germaniyaning Quyi Saksoniyadan ikkita Airbus A400M harbiy samolyoti Tel-Avivga yo‘l oldi. Ular 64 nafar Germaniya fuqarosini, jumladan ko‘plab bolali oilalarni evakuasiya qildi. Tun vaqtida samolyotlar Kyoln/Bonn aeroportiga qo‘ndi. Bu Bundesverning jangovar zonadan birinchi to‘g‘ridan-to‘g‘ri evakuasiya reysi edi.
Spiegel ma’lumotlariga ko‘ra, samolyotlarga Tel-Avivda qo‘nish uchun maxsus ruxsat berilgan — hududda havo maydoni deyarli to‘liq yopiq bo‘lganiga qaramay. Germaniya hukumati evakuasiyaning asosan eng zaif qatlam — kichik bolali oilalar uchun mo‘ljallanganini ta’kidladi. Ular uchun bu Isroildan tezda chiqishning yagona imkoniyati edi.
Bundesver bilan birga Germaniya tashqi ishlar vazirligi ham evakuasiya ishlarini tashkil etdi — u 345 nafar Germaniya fuqarosini Iordaniya orqali charter reyslari bilan olib chiqdi.
Hukumat ma’lumotiga ko‘ra, hozirda taxminan 4 ming Germaniya fuqarosi Isroilda, taxminan 1 ming nafari Eronda faoliyat yuritmoqda. Tashqi ishlar vazirligi ularga Armaniston yoki Turkiya orqali yer yo‘li bilan Janubiy Osiyoni tark etishni tavsiya qilmoqda.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Madaniyat vaziri korrupsiyada ayblanib sudga tortiladi
Yuragi urib turgan bemor o‘lganga chiqarildi va uning ichki a’zolaridan foydalanishdi
