«Yuventus» darvozaboni Janluidji Buffon kamida 43 yoshigacha futbol o‘ynay olishini aytdi. 42 yoshli posbon yaqinda «Yuventus» bilan shartnomasini yana bir yilga uzaytirgandi.
«Jamoada kamida 43 yoshimgacha bo‘laman. 40 yoshga to‘lganimdan buyon oy sanaydigan bo‘ldim. Men ortiq yuqori darajada o‘ynay olmasligimni his qilgan zahotim ketishga tayyor bo‘lishim kerak. Qachonki buni his qilsam, ketaman. Hozircha esa kerakli darajada yaxshi holatda ekanimni his qilyapman. Hech narsa meni futbol o‘yinlarida maydonga tushishdek baxtli qila olmaydi», deb Buffonning so‘zlarini keltirmoqda Sky Sport Italia.
42 yoshli Buffon faoliyatini «Parma»da boshlagan. UYEFA kubogidagi yorqin o‘yinlardan so‘ng «Yuventus» uni o‘z safiga qo‘shib olgan. 17 yil Turinda o‘nagan darvozabon bir mavsum «PSJ»da o‘ynab, yana «Yuventus»ga qaytdi. Joriy mavsumda Buffon 8 o‘yinda qatnashib 8ta gol o‘tkazib yubordi. Klub yaqinda Buffon va jamoaning yana bir ko‘p yillik futbolchisi Jorjo Kyellini bilan shartnomani bir yilga uzaytirgandi.
O‘zbekistonga yana qorli sovuq havo kirib kelmoqda
Propan narxi tushishda davom etmoqda, benzin esa....
Naoya Inoue nihoyat Murodjon Ahmadaliyevga javob qaytardi
