"Budapesht tinchlik uchrashuvi o‘tkazish uchun eng yaxshi joy emas"

Zelenskiy Ukraina qo‘shinlari Donbassdan olib chiqilmasligini yana bir bor ta’kidladi. "Rossiyaning talablariga qaramay, Donbassda ortga chekinmaymiz. Nuqta", — dedi Ukraina prezidenti jurnalistlar bilan muloqotda.

Vladimir Zelenskiyning boshqa bayonotlari:

◾️ Putinga Donbassning o‘zi kerak emas, bu faqat “muvaffaqiyat illyuziyasini yaratish usuli”. Biroq hech kim bir necha yildan so‘ng uning yana oldinga yurmasligiga kafolat bera olmaydi;

◾️ Pokrovsk yo‘nalishida vaziyat og‘ir, Kupyanskda esa holat biroz yaxshilangan;

◾️ Ukraina har yili Patriot tizimlarini oladi, hozircha 25 ta tizim uchun shartnoma tayyorlanmoqda;

◾️ Hozirgi kunda Ukraina 28 ta davlat bilan ikki tomonlama xavfsizlik bitimlariga ega;

◾️ Menimcha, prezident Tramp ruslar bilan uchrashuv oldidan ziddiyatni kuchaytirishni istamayapti, shuning uchun Ukrainaga Tomahawk'lar berish masalasida hali aniq qaror qabul qilinmayapti;

◾️ Budapesht tinchlik uchrashuvi o‘tkazish uchun eng yaxshi joy emas, chunki Vengriya bosh vaziri Viktor Orban doim Ukrainaga to‘sqinlik qilib keladi;

◾️ Agar meni Tramp va Putinning uchrashuvida qatnashish uchun Budapeshtga taklif qilishsa, albatta boraman;

◾️ Suhbatlar chog‘ida Rossiyaning hududlar almashinuvi bo‘yicha haqiqiy niyatini aniqlashga urindim, ammo ularning aniq pozisiyasi hanuzgacha noma’lum;

◾️ Putin Trampga Tomahawk'lar masalasi va uning ritorikasi sababli qo‘ng‘iroq qilgan. Ruslar AQSh prezidentining bu raketalar bo‘yicha qaroridan qo‘rqmoqda, bu aniq;

◾️ Rossiya yana “Ukraina yangi hujumga tayyorgarlik ko‘rayapti” va “o‘t ochishni to‘xtatishga tayyor emas” degan soxta rivoyatni ilgari surmoqda;

◾️ Hindiston Rossiya energiya resurslarini kamroq sotib ola boshladi, ammo bu ma’lumot hali tasdiqlanishi kerak;

◾️ Putin Rossiya resurslaridan o‘z manfaati yo‘lida foydalanib Qo‘shma Shtatlarga ta’sir o‘tkazmoqda, Ukraina esa o‘zini sotmaydi. Bu ikki mamlakat o‘rtasidagi asosiy prinsipial farq.