«Chelsi» tez orada amerikalik milliarder Todd Byolining qo‘liga o‘tishi mumkin.
«Sky Sports» nashrining xabar berishicha, Byoli 4,25 mlrd yevro evaziga London klubini xarid qiladi. Avvalroq, ushbu xaridni Angliya Premyer-ligasi ma’qullagandi.
Manbaga ko‘ra, Buyuk Britaniya qirollik hukumati ham «Chelsi»ni Todd Byoliga sotilishiga rozilik bildirgan. Ushbu xaridning hujjat masalalari 31 maygacha yakunlanishi kutilyapti.
Ma’lumot uchun, Byoli «Los-Anjeles Dodjers» beysbol klubining ham aksiyadori sanaladi.