BRIKS mamlakatlari tomonidan yaratilgan Yangi taraqqiyot banki (YADB) rahbari, Braziliyaning sobiq prezidenti Dilma Russeff kasalligi tufayli Shanxaydagi kasalxonaga yotqizildi, deya xabar beradi TASS.
Bu haqda braziliyalik deputat Joze Gimaraynsh xabar berdi.
— Shifokorlar jiddiy deb hisoblamagan xastalik tufayli Shanxay kasalxonasiga yotqizilgan (sobiq) prezidentimiz Dilma Russeffga tezroq sog‘ayib ketishini tilayman, — deb yozdi u X ijtimoiy tarmog‘ida.
Folha de S. Paulo gazetasining yozishicha, Russeff qusish, bosh aylanishi va qon bosimi ko‘tarilganidan shikoyati bo‘yicha kasalxonaga olib ketilgan.
Eslatib o‘tamiz, Braziliya 1 yanvardan BRIKSga raislik qila boshlagan edi. BRIKS sammiti 6-7 iyul kunlari Rio-de-Janeyroda bo‘lib o‘tadi.
Rossiya va Ukraina kelishuvga erishdi
Navro‘zda O‘zbekiston aholisi necha kun dam oladi?
Dunyo aholisi eng ko‘p bo‘lgan mamlakatlardan biri: Rossiyadan ko‘p aholisi bor, ammo maydoni 115 marta kichik
