Braziliya terma jamoasi a’zosi futboldan umrbod chetlatilishi mumkin

"Vest Xem" yarim himoyachisi Lukas Paketa sportga pul tikkani uchun umrbod diskvalifikasiya qilinishi mumkin. Bu haqda The Athletic xabar bermoqda.

Manbaga ko‘ra, bu o‘yinchi aybdor deb topilgan taqdirda sodir bo‘ladi. Ta’kidlanishicha, sud jarayoni yakunlangan, biroq Paketa yaqin olti hafta ichida rasmiy hukmni kutishiga to‘g‘ri keladi.

27 yoshli braziliyalik 2022 yildan buyon "Vest Xem" sharafini himoya qilib kelmoqda. Joriy mavsumda futbolchi barcha musobaqalarda 36 ta uchrashuvda qatnashib, beshta gol urdi.