Boliviyada avtobus ishtirokidagi YTHda 13 kishi halok bo‘ldi, o‘nlab odamlar jarohatlandi

Boliviyada Tomaykuri shahri yaqinidagi avtomobil yo‘lida avtobus qoyaga borib urilishi oqibatida 13 kishi halok bo‘ldi, yana 20 kishi jarohatlandi.

Bu haqda polisiya vakili Limbert Chokega tayanib, Erbol portali xabar berdi.

Aniqlik kiritilishicha, transport vositasi Sukredan Oruroga ketayotgan bo‘lgan, biroq yomg‘irlar tufayli yuzaga kelgan ko‘chkilar tufayli u ariqqa tushib ketgan, shundan so‘ng toqqa borib urilgan.

"Taxminan 20 nafar yarador kasalxonaga yotqizish uchun Lyallaguaga yetkazildi, hozircha 13 kishi halok bo‘lgani aytilmoqda," - dedi polisiya vakili.