Isroilning Livandagi turar joy binolari, ko‘chirilgan aholi va tibbiyot xodimlariga qarshi havo zarbalari xalqaro huquq nuqtai nazaridan jiddiy xavotir uyg‘otmoqda va harbiy jinoyat sifatida baholanishi mumkin. Bu haqda BMT Inson huquqlari boshqarmasi ma’lum qildi.
Isroil harbiylari Livan hududiga zarbalarni Hizbulloh guruhi tomonidan Isroilga raketa hujumlari boshlanganidan so‘ng amalga oshirmoqda. Ushbu guruh Eron tomonidan qo‘llab-quvvatlanishi aytilgan.
Livan rasmiylariga ko‘ra, Isroil zarbalari natijasida kamida 886 kishi halok bo‘lgan, 1 milliondan ortiq inson esa o‘z uylarini tark etishga majbur bo‘lgan.
💬 «Isroil aviasiya zarbalari zich aholi yashaydigan hududlarda butun turar joy binolarini yo‘q qilmoqda. Ko‘p hollarda bir oiladan bir necha kishi, jumladan ayollar va bolalar halok bo‘lmoqda», — dedi Jenevada jurnalistlarga BMT vakili Tamin al-Xitan.
Isroil harbiylari bu bayonotlarga hozircha izoh bermagan. Avvalroq esa ular zarbalar Hizbulloh infratuzilmasiga qarshi qaratilganini bildirgan edi.
Eron musulmon davlatlariga chaqiriq bilan chiqdi
Eron Isroilga o‘ta og‘ir ballistik raketalar bilan kuchli hujum uyushtirdi
Tramp dunyo davlatlaridan yordam so‘radi
