BMT Bosh kotibi: global haroratning 1,5 ° C gacha ko‘tarilishini cheklash maqsadiga erishib bo‘lmaydi

BMT Bosh kotibi Guterrishning ta’kidlashicha, mamlakatlar 2015 yilgi iqlim bo‘yicha Parij kelishuvida belgilangan global isish maqsadiga erisha olmaydi. Siyosatchining aytishicha, global haroratning 1,5°S dan ham yuqorilashi muqarrar.

Iqlim bo‘yicha Parij kelishuvida global haroratning 1,5 ° C gacha ko‘tarilishini cheklash maqsadiga erishib bo‘lmaydi. Bu haqda BMT Bosh kotibi Antoniu Guterrish 22 oktyabr, chorshanba kuni Jenevada ma’lum qildi.

Guterrish: 1,5 ° C dan yuqori isish muqarrar

“Bir narsa allaqachon aniq: biz kelgusi bir necha yil ichida global isishni 1,5 darajadan past darajada ushlab turolmaymiz”, dedi Guterrish. “Bundan (mazkur ko‘rsatkichdan) oshib ketishi endi muqarrar”.

BMT Bosh kotibining so‘zlariga ko‘ra, me’yordan oshib ketish “yaqin yillarda” sodir bo‘ladi, ammo keyin harorat yana tushishi mumkin. “Men uchrashgan barcha olimlarning fikriga ko‘ra, asr oxirigacha 1,5 foizga o‘sish kuzatilishi mumkin”, dedi Guterrish.

2015 yilda isinishni 1,5 ° S gacha cheklash maqsad qilingan

2015 yilgi Iqlim bo‘yicha Parij kelishuviga ko‘ra, mamlakatlar o‘rtacha global haroratni sanoatdan oldingi davrga nisbatan 2°C ko‘proq ko‘tarilishiga yo‘l qo‘ymasliklari kerak edi. Shu bilan birga, mamlakatlar bu ko‘rsatkichni 1,5 ° C dan past saqlashga intilish majburiyatini olishgandi, deb xabar berdi dw.com.