Bir kechada Isroil armiyasining G‘azodagi hujumlarida 61 falastinlik halok bo‘ldi

Isroil G‘azo sektorining turli qismlariga erta tongda uyushtirgan hujumlarida 61 nafar falastinlikni, jumladan, ayollar va bolalarni o‘ldirdi, ko‘plab odamlar tan jarohati oldi.

Mahalliy manbalarga ko‘ra, Isroil armiyasi erta tongda G‘azoning turli hududlarida tinch aholi uylari, ko‘chirilganlarga boshpana berayotgan chodirlar va maktabni nishonga olgan.

So‘nggi hujumda Isroil G‘azo sektori markazidagi Zuveyda shahrini nishonga oldi, kafega uyushtirgan hujumda 6 Falastinlik halok bo‘ldi.

Nuseyrat qochqinlar lageriga artilleriya hujumi oqibatida 8 nafar falastinlik, jumladan besh nafar bola halok bo‘ldi.

Isroilning Rimal mahallasidagi suv tozalash inshootiga uyushtirgan hujumida 3 kishi halok bo‘ldi va yaralandi.

G‘azo shahri janubi-sharqidagi Zaytun mahallasida ko‘chirilgan tinch aholiga boshpana bergan Imom Shafi maktabining Isroil tomonidan o‘qqa tutilishi oqibatida 7 kishi halok bo‘ldi va ko‘plar yaralandi.

Zeytun mahallasida Isroil hujumida bir ayol halok bo‘ldi.

Shaharning Shujo‘ya mahallasidagi Al-Hikma masjidi yaqinida sodir etilgan hujumda ikki falastinlik halok bo‘ldi.

G‘azo shahrining g‘arbidagi Shayx Ridvan mahallasida ko‘chirilgan tinch aholi boshpana olayotgan Mevhubin maktabi yaqinidagi uyga uyushtirilgan havo hujumida 2 nafar bola bo‘lgan 3 kishi halok bo‘ldi, ko‘p kishi tan jarohati oldi.

Hujum, shuningdek, ko‘chirilgan tinch aholi yashaydigan maktab atrofidagi ko‘plab chodirlarga zarar yetkazdi.