Beyrutdagi Amerika elchixonasi o‘z fuqarolarini Livanni tark etishga chaqirdi

Beyrutdagi AQSh elchixonasi Amerika fuqarolarini tijorat reyslari hali ham amalga oshirilayotgan paytda Livanni darhol tark etishga chaqirdi.

Bu haqda diplomatik missiya o‘z veb-saytida bayonot berdi.

"Xavfsizlik holati murakkabligicha qolmoqda va tez o‘zgarishlarga duch kelmoqda. Biz AQSh fuqarolarini tijorat reyslari hali ham mavjud bo‘lgan paytda Livanni tark etishga qat’iy chaqiramiz", deyiladi bayonotda.

Diplomatik missiya Livanda qolishga qaror qilgan Amerika fuqarolariga oldindan favqulodda vaziyatlar rejasini ishlab chiqishni va mavjud ma’lumotlarni diqqat bilan kuzatib borishni maslahat berdi.

Avvalroq Isroil mudofaa kuchlari Livan janubidagi "Hezbulloh" harakatiga tegishli nishonga zarbalar berilgani haqida xabar bergan edi.