«Bayer» Germaniya rekordini o‘rnatdi

«Bayer» Bundesligada bir transfer oynasi uchun sarflagan mablag‘i pul bo‘yicha rekordni o‘rnatdi.

Yozgi transfer oynasida Leverkuzen klubi futbolchilar uchun 198 million yevro to‘ladi – Transfermarkt ma’lumotlariga ko‘ra, bu Bundesligadagi yangi rekord hisoblanadi.

Ikkinchi o‘rinni «Leypsig» egallaydi (187 mln yevro, 2023/24 mavsumi), uchinchi o‘rinda esa «Bavariya» (179,5 mln yevro, 2023/24 mavsumi).

«Bayer» avvalroq chempionatdagi ikki o‘yindan keyin bosh murabbiy Erik ten Xagni ishdan bo‘shatgandi – «Xoffenxaym»ga qarshi (1:2) va «Verder»ga qarshi (3:3).