Baxtiyor Saidov Tbilisida Gruziya ta’lim, fan va yoshlar vaziri bilan uchrashdi

Tashqi ishlar vaziri Baxtiyor Saidov Gruziya ta’lim, fan va yoshlar vaziri Givi Mikanadze bilan uchrashdi.

Uchrashuvda ta’lim sohasida hamkorlikni chuqurlashtirish, yoshlar bilan ishlash, akademik almashinuv dasturlarini kengaytirish va ilmiy loyihalarni birgalikda amalga oshirish bo‘yicha fikr almashildi.

Shuningdek, universitetlar va ilmiy-tadqiqot muassasalari o‘rtasida institusional hamkorlikni mustahkamlash imkoniyatlari ko‘rib chiqildi.

Yoshlar va ta’lim — O‘zbekiston va Gruziya o‘rtasidagi kelajakka yo‘naltirilgan, innovasion va inson salohiyatini oshirishga qaratilgan munosabatlarning asosiy ustunlaridan biridir, — deb yozadi TIV rahbari o‘zining Telegram kanalida.