"Bavariya" 100 million taklif qilmoqda, "Bayer" 150 million xohlamoqda

"Bavariya" Florian Virsning transferi ustida ish boshladi.

Jurnalist Florian Plettenbergning xabar berishicha, myunxenliklar jamoasi 22 yoshli yarim himoyachi bilan shartnoma imzolash borasida "Bayer" bilan muzokaralarni boshlagan. "Bavariya" kelishuvni klublar o‘rtasidagi jahon chempionati boshlanishigacha yakunlash niyatida.

Qayd etilishicha, "Bayer" Virsni kamida keyingi mavsumda jamoada saqlab qolishga harakat qiladi va u uchun 150 million yevro talab qilishi mumkin.

Avvalroq "Bavariya" yarim himoyachi uchun 100 million yevro taklif qilishni rejalashtirayotgani haqida xabar berilgandi. Qolaversa, klub futbolchi bilan oldindan kelishuvga erishgan.