"Barselona" va "Real" o‘rtasida bu transfer uchun qattiq kurash bo‘ladi

"Kristal Pelas" markaziy himoyachisi Mark Gexi "Barselona" va Madridning "Real" klubi qiziqish doirasida bo‘lib turibdi. La Liganing har ikki grandi kelasi yilning yanvar oyida inglizni erkin agent sifatida o‘z safiga qo‘shib olish imkoniyatini ko‘rib chiqmoqda, deb xabar beradi Transfer News Live Sun Sport nashriga tayanib. Yanvar oyidan boshlab "burgutlar" sardori istalgan xorijiy klub bilan shartnoma oldidan kelishuv tuzish huquqiga ega bo‘ladi, bundan "ko‘k-anorranglilar" va "qaymoqranglilar" foydalanib ko‘rishi mumkin.

Yozda Mark Gexi "Liverpul" bilan shartnoma imzolashga yaqin edi, biroq kelishuv so‘nggi pallada barbod bo‘ldi. 25 yoshli futbolchiga "Bavariya" ham da’vogarlik qilmoqda.