"Barselona" rahbari Yamal haqida muhim bayonot berdi

17 yoshli vinger Lamin Yamal "Barselona" bilan yangi mehnat shartnomasini imzolashga yaqin turibdi. Bu haqda “ko‘k-anorranglilar” prezidenti Joan Laporta ma’lum qildi.

"Yamalda aql bovar qilmaydigan futbol iqtidori bor, u "Barselona"da o‘zini ajoyib his qilmoqda. U bilan yangi shartnoma imzolash deyarli kelishib olindi, bu rasman tasdiqlanishi kerak. Klubimiz futbolchilarga qo‘shgan hissasi uchun yaxshi maosh to‘laydi", - deydi klub rahbari.

Joriy mavsumda Lamin "ko‘k-anorranglilar"ning 53ta o‘yinida ishtirok etib, 17ta gol urdi va 25ta golga assistentlik qildi. Futbolchining "Barselona" bilan amaldagi shartnomasi 2026 yilning yozida yakuniga yetadi.