"Barselona" futbolchisi - "Real" bilan o‘yin haqida: "Biz qo‘rqmaymiz"

"Barselona" yarim himoyachisi Mark Bernal bo‘lajak "el-klasiko" haqida fikr bildirdi.

"Ko‘k-anorranglilar"ning Madridning "Real" klubiga qarshi safar uchrashuvi 26 oktyabr, yakshanba kuni bo‘lib o‘tadi. Bellashuv Toshkent vaqti bilan 20:15 da start oladi.

"Biz qo‘rqmaymiz. Biz g‘alaba uchun "Santyago Bernabeu"ga boramiz," - deya 18 yoshli Bernalning intervyusidan iqtibos keltiradi Managing Barca.

Xans-Diter Flik jamoasi "qaymoqranglilar"ni mag‘lub etsa, La Liga turnir jadvalida birinchi o‘ringa qaytadi. 9 turdan so‘ng Madrid grandi kataloniyaliklarni 2 ochkoga ortda qoldirmoqda.