"Barsa" Levandovski o‘rniga superto‘purar olib kelmoqchi

"Barselona" "Bavariya" hujumchisi Xarri Keynni o‘z safiga qo‘shib olish haqida o‘ylamoqda. Inglizning myunxenliklar bilan amaldagi shartnomasi 2027 yilning o‘rtalarida yakuniga etadi, shu bois kelasi yozdayoq u arzonlashtirilgan narxda sotuvga chiqarilishi mumkin. Transfer News Live nashrining El Nacional’ga tayanib xabar berishicha, "ko‘k-anorranglilar" sport direktori Deku Keynni 2026 yilda Robert Levandovskining ideal o‘rinbosari sifatida ko‘rmoqda.

37 yoshli polshalikning mehnat shartnomasi roppa-rosa 2026 yilda tugaydi, biroq uni yana bir mavsumga uzaytirish imkoniyati mavjud.

Xarri Keynning hozirgi narxi Transfermarkt portali tomonidan 75 mln yevroga baholanmoqda. Iyul oyida hujumchi 32 yoshga to‘ldi.