Barcha davlat organlari va tashkilotlarining veb saytlari endi gov.uz platformasida yuritiladi

Vazirlar Mahkamasining tegishli qarori bilan, 2025 yil 1 martdan boshlab davlat organlarining rasmiy veb-saytlari faqatgina yagona platformada yuritilishi belgilandi.

Davlat organlarining rahbarlari tashkilotining rasmiy veb-sayti yagona platformada yuritilishi uchun shaxsan javobgar hisoblanadi.

“Kiberxavfsizlik markazi” DUK Raqamli texnologiyalar vazirligi bilan birgalikda yagona platformani har olti oyda beg‘araz asosda kiberxavfsizlik talablariga muvofiqligini ekspertizadan o‘tkazib boradi.