Angliyaning Manchester shahri mezbonlik qilagan professional boks oqshomida o‘zbekistonlik og‘ir vaznli charm qo‘lqop ustasi Bahodir Jalolov navbatdagi jangini o‘tkazdi.
"Co-Op Live Arena" majmuasida kechgan bahsda hamyurtimizga xorvatiyalik Agron Smakichi raqiblik qildi. 10 raundga mo‘ljallangan jang kutilganidan ertaroq yakunlandi.
Bellashuvning dastlabki daqiqalaridanoq ustunlikni o‘z qo‘liga olgan Jalolov 7-raundda raqibiga bir qator kuchli va aniq zarbalar yo‘lladi. Natijada, Smakichi olgan jarohatlari va charchoq sababli 8-raundga chiqishdan bosh tortdi.
Shu tariqa, hakamlar Bahodir Jalolovning texnik nokaut evaziga g‘alaba qozonganini qayd etishdi. Bu g‘alaba Jalolov uchun professional ringdagi 18-muvaffaqiyat bo‘ldi.
Krishtianu Ronaldu millionlab obunachilarini yo‘qotdi
Yuz millionlab muxlislar JCH-2026 ni tomosha qila olmasligi mumkin
Xoland «Siti» muxlislariga murojaat qildi
