Birlashgan Arab Amirliklarining Sharja shahrida dunyodagi eng yirik akademiyalardan biri hisoblangan Qur’on Akademiyasi ochildi.
Bu haqda islam.ru nashriga asoslanib "islom.uz" xabar berdi.
Akademiyaning ochilish marosimida Sharja Oliy Kengashi a’zosi va shayx Sulton bin Muhammad Al Qosimiy ishtirok etdi.
Bino maydoni 75000 kvadrat metr bo‘lib, 34 gumbazli sakkiz qirrali yulduz shaklida qurilgan. Bu yerda yettita tarixiy muzey foydalanishga topshirildi.
Hozirda muzeyda Qur’oni Karimning 308 nusxasi va arxeologik qo‘lyozmalar namoyish etilmoqda. Shuningdek, taxminan hijriy 970 yilda Muqaddas Ka’bani yopib qo‘yishda foydalanilgan qora mato bo‘lgan eng qadimiy kisva va boshqa qiziqarli asarlar bor.
Tadbirda so‘zga chiqqan Sharja Oliy Kengashi a’zosi aholini Qur’on Akademiyasiga tashrif buyurishlarini va muqaddas bitiklarning barcha go‘zalliklaridan bahramand bo‘lishlarini taklif etdi.
O‘zbekiston musulmonlari idorasi matbuot xizmati
“Tez orada Xudoning yordami bilan — bu butun Isroil yurti bo‘ladi”
Rubl dunyoning barcha valyutalarini ortda qoldirdi
Van Damm Putinga murojaat qildi
