AQShning Ukrainadagi mojaroni hal qilish bo‘yicha aniq rejasi yo‘q

AQSh prezidenti Donald Tramp ma’muriyati Ukraina mojarosini hal qilishning turli variantlarini o‘rganmoqda, biroq hozircha aniq reja yo‘q.

Bu haqda yevropalik mansabdor shaxsga tayanib, Fox News telekanali xabar berdi.

Uning so‘zlariga ko‘ra, keng tarqalgan e’tiqodga qaramasdan, Vashingtonning aniq bir harakat rejasi yo‘q, Amerika rasmiylari o‘z ittifoqchilarining takliflarini o‘rganib, ularning dardini tinglamoqda.

"Tramp, Ukraina yetakchisi Vladimir Zelenskiy va Rossiya prezidenti Vladimir Putin o‘rtasidagi muzokaralar qiyin kechadi. Barcha variantlar muhokamada. Sanksiyalarni kuchaytirish uchun hali ko‘p imkoniyatlar mavjud", — dedi Fox News manbasi.

Tramp avvalroq Fox News telekanaliga bergan intervyusida Ukraina inqirozini hal qilishda sezilarli yutuqlarga erishilganini ta’kidlagan edi. U mojaroning har ikki tomonini muzokaraga olib kelishini taklif qildi.

Bir necha kun oldin New York Post gazetasi Tramp va Putin o‘rtasidagi telefon suhbati haqida xabar bergan edi, lekin bo‘lib o‘tgan aloqalar haqida rasmiy ma’lumot yo‘q.