AQShning strategik neft zaxiralari 23 oktyabrda yakunlangan hisobot haftasi oxirida 282,6 million barrelgacha kamaydi.
Bu haqda AQSh Energetika vazirligi ma’lumotlarida keltirilgan.
Shu bilan birga, strategik zaxiralar 1982 yil oktyabridan beri kuzatilmagan eng past ko‘rsatkichlarni yangilashda davom etmoqda.
Hisobot haftasi davomida AQShning strategik neft zaxiralari qariyb 100 ming barrelga qisqargan. Bundan ham past ko‘rsatkich 1982 yilda, 15 oktyabrda yakunlangan hisobot haftasi oxirida qayd etilgan bo‘lib, o‘sha vaqtda zaxiralar 280,802 million barrelni tashkil etgan.
AQShning strategik neft zaxiralari joriy yil avgust oyi oxiridan boshlab 1982 yildagi eng past ko‘rsatkichlarni yangilay boshlagan. Oktyabr oyi boshida esa bu ko‘rsatkich 283 million barrelgacha tushgan.
AQShning strategik neft zaxirasi 1975 yilda, jahon energetika inqirozidan keyin, Kongress qarori bilan kelgusida yuzaga kelishi mumkin bo‘lgan favqulodda vaziyatlarda foydalanish maqsadida tashkil etilgan.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
