AQShning mintaqada harbiy kuchlarini oshirishi fonida Eron neft eksportini uch baravar oshirdi

Eron so‘nggi kunlarda neft eksportini keskin oshirdi, bu esa mamlakatning Qo‘shma Shtatlardan kelib chiqadigan mumkin bo‘lgan tahdidga tayyorgarligi bilan bog‘liq bo‘lishi mumkin, deb hisoblaydi mutaxassislar.

Bu haqda Bloomberg nashri xabar bermoqda.

Kpler tahlil kompaniyasi ma’lumotlariga ko‘ra, 15-20 fevral kunlari Xarg orolidan eksport qariyb 20,1 million barrelni tashkil etdi - bu yanvar oyining shu davrida yetkazib berilgan hajmdan deyarli uch baravar ko‘p. Bu mamlakatning odatdagi kunlik darajasidan - kuniga 3 million barreldan oshadi.

Mutaxassislarning ta’kidlashicha, eksportning bu keskin o‘sishi Fors ko‘rfazi mintaqasida AQSh harbiylarining ko‘payishi bilan bir vaqtga to‘g‘ri keladi, bu esa Tehron uchun ehtiyot chorasi va sug‘urta vazifasini o‘tashi mumkin.