AQShning Eron urushidagi raketalar zaxirasi sezilarli darajada kamaydi

AQSh Eronga qarshi harbiy operasiyalar davomida muhim raketalarining katta qismini sarflagan. The Wall Street Journal ma’lumotlariga ko‘ra, Vashingtondagi Tomahawk qanotli raketalari zaxirasining taxminan uchdan bir qismi, Patriot raketalari zaxirasining esa qariyb yarmi ishlatilgan.

AQShning aniq raketa zaxiralari maxfiy bo‘lgani sababli keltirilgan raqamlar ekspertlar bahosiga asoslangan.

Muammo, ayniqsa, raketaga qarshi mudofaa tizimida sezilmoqda. CSIS tahlilchilari AQSh harbiylari urush davomida 1000 dan ortiq Tomahawk raketasidan foydalanganini baholagan.

Patriot tizimlaridan esa AQShdan tashqari yana 18 davlat foydalanadi. Ukraina ham ushbu tizim uchun amerikalik raketalarni oladi. Shu bois zaxiralarning kamayishi Vashingtonning o‘z ehtiyojlari bilan bir qatorda ittifoqchilarga yordam berish imkoniyatlariga ham ta’sir qilmoqda.

AQSh mudofaa sanoati Tomahawk va Patriot ishlab chiqarishni oshirishga harakat qilmoqda. Biroq ishlab chiqarish quvvatlarini kengaytirish, ehtiyot qismlar va ishchi kuchi tanqisligi sababli zaxiralarni to‘ldirish uchun bir necha yil talab qilinishi mumkin.

CSIS bahosiga ko‘ra, ayrim muhim qurol-yarog‘ zaxiralarini urushdan oldingi darajaga qaytarish 1 yildan 4 yilgacha vaqt olishi mumkin.