AQSh Energetika vazirligi elektr energiyasiga talab keskin oshishi va ishlab chiqarish hamda uzatish quvvatlari yetishmasligi xavfi tufayli 13 shtat va Kolumbiya okrugini qamrab olgan PJM elektr tarmog‘i uchun favqulodda holat e’lon qildi.

Vazirlik ma’lumotiga ko‘ra, tegishli buyruq departament rahbari Kris Rayt tomonidan imzolangan. Hujjatda PJM Interconnection tarmoq operatoriga ayrim elektr energiyasi ishlab chiqarish bloklarini ishga tushirish, zarurat tug‘ilganda esa zaxira quvvatlaridan foydalanish topshirilgan. Bu choralar elektr ta’minoti barqarorligini saqlashga qaratilgan.

Favqulodda choralar Virjiniya, Delaver, G‘arbiy Virjiniya, Illinoys, Indiana, Kentukki, Merilend, Michigan, Nyu-Jersi, Ogayo, Pensilvaniya, Shimoliy Karolina va Tennessi shtatlarini, shuningdek, Kolumbiya okrugini qamrab oladi. Buyruq 13–16 oktyabr kunlari amal qilishi belgilangan.

PJM Interconnection — AQShdagi eng yirik mintaqaviy elektr tarmoqlaridan biri bo‘lib, mamlakatning sharqiy qismidagi keng hududda elektr energiyasini ishlab chiqarish va uzatishni muvofiqlashtiradi.