Oksford universiteti olimlari issiq ichimliklar harorati va ularni iste’mol qilish chastotasi hamda qizilo‘ngach saratoni rivojlanish xavfi o‘rtasidagi bog‘liqlikni o‘rganishdi.
Tadqiqotda qariyb 1 million kishidan olingan ma’lumotlar tahlil qilindi. Natijalar shuni ko‘rsatdiki, nafaqat iste’mol qilingan ichimlik miqdori, balki uning harorati ham muhim ahamiyatga ega. Juda issiq ichimliklarni yoqtiradigan odamlarda qizilo‘ngachning skuamoz hujayrali saratoni rivojlanish xavfi iliq ichimliklar ichadiganlarga qaraganda 3 baravardan ko‘proq yuqori edi.
Kuniga olti yoki undan ko‘p stakan issiq ichimliklar ichish ushbu turdagi saraton kasalligi rivojlanish xavfining 71% ga oshishi bilan bog‘liq edi. Bundan tashqari, choy va qahva iste’moli o‘rtasida sezilarli farq topilmadi.
Olimlarning fikricha, asosiy rol suyuqlikning yuqori haroratiga bog‘liq. Chunki u qizilo‘ngach shilliq qavatiga zarar yetkazishi mumkin. Bu bizning kundalik odatlarimiz uchun nimani anglatadi? Siz sevimli choyingiz yoki qahvangizdan voz kechishingiz shart emas. Asosiysi, ichimlikning biroz sovishini kutish va uni juda issiq holda ichmaslik.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
