AQShda avtomobil yo‘l o‘tkazgichdan uchib chiqib, o‘n qavatli bino balandligidan pastga qulab tushdi (video)

AQShning Texas shtati Dallas shahrida yengil avtomobil yo‘l o‘tkazgichdan pastga qulab tushishi oqibatida haydovchi halok bo‘ldi.

Hodisa aks etgan videotasvir mahalliy ommaviy axborot vositalari tomonidan e’lon qilingan.

Mavjud ma’lumotlarga ko‘ra, avtomobil yo‘l o‘tkazgich bo‘ylab tirbandlik sharoitida harakatlanayotgan bo‘lgan.

Taxminlarga ko‘ra, boshqa avtomobil bilan to‘qnashuvdan so‘ng haydovchi boshqaruvni yo‘qotgan. Buning oqibatida mashina sirpanib, yo‘l chetidan uchib chiqib ketgan. Qulash balandligi qariyb 30 metrni tashkil etgan, bu o‘n qavatli bino balandligiga teng.

Hodisa joyidan olingan kadrlarda avtomobil pastki qavatdagi yo‘lning qatnov qismida ag‘darilgan holatda yotganini ko‘rish mumkin.

Favqulodda xizmatlarning aniqlashtirishicha, avtomobil rulda bo‘lgan haydovchi olgan jarohatlari oqibatida vafot etgan.