Qo‘shma Shtatlar joriy yil oxirigacha Rossiya va Ukraina, shuningdek, Isroil va Eron o‘rtasidagi hamda G‘azo sektoridagi mojarolarni tartibga solishga umid qilmoqda.
Bu haqda AQSh prezidenti Donald Tramp boshchiligidagi Oq uyda AQSh ma’muriyati yig‘ilishida AQSh prezidentining maxsus vakili Stiv Uitkoff ma’lum qildi.
"Rossiya, Ukraina, Eron, Isroil, XAMAS - bu uch mojaro bo‘yicha hafta bo‘yi yig‘ilishlar o‘tkazdik. Ularni shu yil oxirigacha hal qilamiz, degan umiddamiz", — dedi u.
Avvalroq AQSh vise-prezidenti Jey Di Vens Rossiya-Ukraina mojarosi olti oy ichida hal etilishiga umid qilishini allaqachon aytgan edi.
