AQSh yaqin orada Eronga qarshi hujumlarni qayta boshlash bo‘yicha qaror qabul qiladi

Qo‘shma Shtatlar tez orada Eronga qarshi zarbalarni qayta boshlash yoki u bilan kelishuvga erishish to‘g‘risida qaror qabul qiladi.

AQSh prezidenti Donald Tramp bu bayonotni Oq uyda jurnalistlarning savollariga javob berish chog‘ida aytib o‘tdi.

"Balki biz ularni portlatib yuboramiz yoki kelishuvga erishamiz. Biz bu qarorni qabul qilishimiz kerak. Vaqt tugayapti. Hammasi juda tez orada, u yoki bu tarzda tugaydi", dedi u.

Tramp shuningdek, Hormuz bo‘g‘ozi nazorati bilan bog‘liq vaziyat o‘zgarishi mumkinligini ta’kidladi.

"Hozirda Hormuz bo‘g‘ozidan juda ko‘p miqdordagi neft o‘tadi. Biz uni nazorat qilamiz... Lekin menimcha, bu har doim o‘zgarishi mumkin", dedi Oq uy rahbari va so‘nggi bir necha kun ichida "tarixda avvalgidan ko‘ra ko‘proq neft bo‘g‘ozdan o‘tdi", deb qo‘shimcha qildi.

Shu bilan birga, AQSh Markaziy qo‘mondonligi iyul oyining o‘rtalarida Eronning dengiz blokadasi qayta tiklanganidan beri Islom Respublikasi bilan bog‘liq 125 ta savdo kemasi yo‘naltirilganini ma’lum qildi.