Fox News telekanalining xabar berishicha, Jey Di Vens xorijiy terrorchilik tashkilotlari federal yordam dasturlari doirasida ajratilayotgan mablag‘lardan foydalana olgani bilan bog‘liq holatlar aniqlangani bo‘yicha bayonot berdi.
"Biz bir qator xorijiy davlatlar hukumatlari va xalqaro terrorchilik tashkilotlari ushbu resurslar hisobidan boylik orttirgan bo‘lishi mumkinligini tasdiqlovchi holatlarni, shubhasiz, qayd etdik", — dedi vise-prezident. Uning aniqlik kiritishicha, mazkur mablag‘lar xususan narkokartellarga ham yo‘naltirilgan.
Shuningdek, Jey Di Vens Minnesota shtatidagi Medicaid tibbiy yordam dasturi bilan bog‘liq firibgarlik ishini Adliya vazirligining Terrorizmga qarshi kurash bo‘limiga o‘tkazish g‘oyasini ma’qulladi. Gap shundaki, firibgarlik sxemalari orqali qo‘lga kiritilgan mablag‘larning bir qismi xorijga olib chiqib ketilgan va AQShda terrorchi deb tan olingan tashkilotlarga o‘tkazib berilgan bo‘lishi mumkin.
"Albatta, bu juda ajoyib g‘oya. Men ilgari bu haqda eshitmagan edim, ammo biz bu ishni zudlik bilan mas’ul jamoaga topshiramiz, chunki mazkur holat bo‘yicha aynan terrorizmga qarshi kurash doirasida tergov olib borilishi zarur", — deya ta’kidladi Vens.
Yana bir davlat Eronga maxfiy ravishda hujum uyushtirgan
Harbiy qo‘mondonlik Putinni Rossiya armiyasi kuzgacha butun Donbassni egallashiga ishontirdi
O‘zbekistonning 9 ta viloyatida sel xavfi e’lon qilindi
