AQSh vise-prezidenti Jey Di Vens AQShning sobiq prezidenti Jo Bayden ma’muriyatini Ukrainaga harbiy yordamni moliyalashtirgani va mojaroni diplomatik yo‘l bilan hal qilish uchun sa’y-harakatlar yo‘qligi uchun tanqid qildi. Bu haqda "TASS" xabar bermoqda.
"Bayden ma’muriyati davrida jinnilik bo‘lgan edi. Ular butun dunyo bo‘ylab juda ko‘p pul sarflashdi, lekin shu bilan birga ular diplomatiyaga umuman tayanishmadi", dedi Vens amerikalik stend-komediyachi Teo Von bilan suhbatda.
Uning so‘zlariga ko‘ra, Ukrainaga 300 milliard dollarga yaqin yordam yuborilgan, biroq tinchlikka erishish uchun real qadamlar qo‘yilmagan:
"Prezident hech qachon Kiyevni muzokaralar olib borishga majburlamagan, lekin tinchlik aniq zarur edi".
AQSh vise-prezidentining ta’kidlashicha, prezident Trampning amaldagi ma’muriyati mojaroni tinch yo‘l bilan hal qilishga urinishlarga e’tibor qaratmoqda:
"Agar muvaffaqiyatga erishsak, ko‘plab odamlarning hayotini saqlab qolamiz. Agar yo‘q bo‘lsa, hali ham sinab ko‘rish kerak".
O‘zbekistonlik yana bir futbolchi "Manchester Siti"ga o‘tishi mumkin
Eldor Shomurodov yangi jamoasining taklifini qabul qildi
Yana bir o‘zbekistonlik futbolchi "Manchester Siti"ga o‘tishi kutilyapti
