AQSh Ukrainaga razvedka ma’lumotlari almashinuvini to‘xtatish bilan tahdid qildi

AQSh Rossiyadagi neftni qayta ishlash zavodlariga berilgan zarbalar tufayli Ukraina bilan razvedka ma’lumotlari almashinuvini to‘xtatish bilan tahdid qildi.

Axios nashrining xabar berishicha, Ukraina rasmiysi Vitkoff va Kushner tomonidan bildirilgan tahdidlar haqida so‘z yuritgan. Biroq, AQSh tomoni bunday tahdid bo‘lganini rad etmoqda. Xabarlarga ko‘ra, bu shunchaki AQSh qurol-yarog‘ va razvedka ma’lumotlarini taqdim etuvchi ishonchli hamkor bo‘lib qolayotgani, shu bois Kiyev Amerika iste’molchilariga zarar yetkazadigan harakatlarni amalga oshirmasligi kerakligi haqidagi eslatma bo‘lgan.

Energetika masalalaridan tashqari, tomonlar hududiy masalaga oid yangi takliflarni ham muhokama qildilar. Nashr ushbu takliflar aynan nimani nazarda tutishi yoki ularni kim ishlab chiqqaniga aniqlik kiritmagan.

AQSh rasmiysi Axios nashriga Putin go‘yoki urushni yakunlash masalasini muhokama qilishga tayyor ekanligini ma’lum qilgan. AQSh "Kreml kuyasi"ni mojaroni to‘xtatishga rozi qilish uchun yetarlicha "ta’sirchan" taklif ishlab chiqishni maqsad qilgan.