AQSh sog‘lig‘ida muammo bo‘lganlarga viza berishni cheklamoqda

AQSh hukumati diabet, saraton, yurak yoki nafas olish kasalliklari, ortiqcha vazn yoki ruhiy muammolari bor shaxslarga viza berishni to‘xtatishi mumkin. Ular “iqtisodiy yuk” sifatida baholanmoqda.

Yangi qoidalar asosan AQShda doimiy yashashni istaganlarga taalluqli bo‘lib, nomzodning sog‘ligi va moddiy ahvoli ham hisobga olinadi. Mutaxassislar tibbiy tayyorgarligi yo‘q viza xodimlariga bunday vakolat berish noto‘g‘ri qarorlarga olib kelishi mumkinligini ta’kidlamoqda.