AQSh Shimoliy Koreya fuqarolarini shaxsni o‘g‘irlash va pul yuvishda aybladi

AQSh sudi Shimoliy Koreyaning 14 fuqarosini shaxsini o‘g‘irlash, pul yuvish va sanksiyalarni buzishda aybladi.

Bu haqda AQSh Adliya vazirligining press-relizida aytiladi.

Departament ma’lumotlariga ko‘ra, Shimoliy Koreya fuqarolari o‘zlarining haqiqiy shaxsini yashirib, masofadan turib Amerika kompaniyalari va nodavlat notijorat tashkilotlariga IT-mutaxassis sifatida ishlash uchun ariza topshirgan.

Gumonlanuvchilar ishga yollash paytida o‘g‘irlangan shaxsiy ma’lumotlardan foydalangan yoki intervyularni yakunlash va masofaviy ish uchrashuvlarida qatnashish uchun AQSh fuqarolariga pul to‘lagan.

Shundan so‘ng hujumchilar Amerika kompaniyalarining maxfiy ma’lumotlariga kirish imkoniga ega bo‘lib, agar ish beruvchilar kerakli miqdorni to‘lamasa, ularni internetga joylashtirish bilan tahdid qilishgan.

Vazirlik ma’lumotlariga ko‘ra, olti yil ichida gumondorlar Pxenyanga yuborilgan kamida 88 million dollar olgan.