Qo‘shma Shtatlar beshta Kuba tashkiloti va bitta shaxsga - Kubaning sobiq prezidenti Fidel Kastroning nabirasi Ernesto Kalisga qarshi sanksiyalar joriy qildi.
Bu haqda AQSh Davlat kotibi Marko Rubioning AQSh Davlat departamenti veb-saytida chop etilgan bayonotida aytilgan.
Bu tashkilotlar Kubaning moliya, metallurgiya, konchilik va energetika sohalari bilan bog‘liq.
Rubioning so‘zlariga ko‘ra, yangi cheklovlar Vashington orolning amaldagi hukumatini qo‘llab-quvvatlaydigan va mamlakat iqtisodiyoti ustidan nazoratni osonlashtiradigan tashkilotlar va shaxslarga qaratilgan.
Xususan, sanksiyalar Banco Exterior de Cuba, shuningdek, hukumat nomidan Kubaning tabiiy resurslari yoki energiya zaxiralaridan foydalanish bilan shug‘ullanadigan to‘rtta tashkilotga qaratilgan.
Davlat kotibi Kuba xalqi qiyinchiliklarga duch kelayotgan bir paytda, Kastro oilasi va uning Kuba Ichki ishlar vazirligidagi (MININT) tarafdorlari orol iqtisodiyoti ustidan to‘liq nazoratni saqlab qolishda davom etayotganini, resurslarni hukumat amaldorlarining kichik bir guruhi manfaatlariga jamlayotganini ta’kidlamoqda.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
