AQSh rasmiylarining narkokartellarga qarshi amaliyoti hech qanday natija bermadi

Bu haqda The Washington Post xabar berdi.

Nashr ma’lumotlariga ko‘ra, o‘tgan bir yil davomida amerikalik harbiylar go‘yoki giyohvand moddalarni tashiyotgan kamida 67 ta kemaga hujum qilgan. 2025 yilning sentyabridan beri ushbu hujumlar oqibatida kamida 221 kishi halok bo‘ldi. Biroq bu zarbalar AQShdagi kokain taklifiga ham, uning narxiga ham hech qanday ta’sir ko‘rsatmadi.

Musodara qilingan kokainning yaqinda o‘tkazilgan tahlili narkotikning yuqori darajada toza ekanini ko‘rsatdi. Bu yetkazib berish darajasi barqaror ekanidan dalolat beradi. AQSh Narkotiklarga qarshi kurash boshqarmasining (DEA) ismi oshkor qilinmagan yuqori lavozimli xodimiga ko‘ra, hozirda mamlakatda amaliyotdan oldingiga qaraganda ham ko‘proq kokain aylanayotgan bo‘lishi mumkin.